رواية ( شمس وسط الظلام) البارت(5) بقلم:- أسماء أبوشادي
________________________
في مكان مظلم مخيف لا يسكنه سوى الأموات
نعم انها المقابر. يجلس رجل على ركبتيه ويبكي بحرقة عمره قد تجاوز الأربعين ولكنه يبكي وينتحب كطفل صغير تركته امه ورحلت دون عودة أبدا
عاصم ( والد شمس) ببكاء / مش قادر يا قمر مش قادر احبها وأنا عارف ان هي السبب في إنك تموتي
كل ما بشوفها بفتكرك أنا أصلا مابنسكيش عشان افتكرك. عارف انها حتة منك وبنتنا أنا وأنتي. بس مش هقدر. كل ما بشوفها بشوفك فيها عنيها شعرها ملامحها صوتها. كلها انتي
هي أخدت منك كل حاجة حتى حياتك يا قمر اخدتها منك وخدتك أنتي مني
لما بشوفها ببقى نفسي اخدها في حضني بس مش لانها بنتي. لاااااا. لأني بحسها أنتي
صدقينيييييي. صعب أوي. صعب اوووووي إني اتقبلها في حياتي حاولت كتير وماقدرتش مش قااااااااااادر. مش قااااادر
( ملعونً هذا الحب الذي يقتل الإنسان بأبشع الطرق وهي الموت البطئ. الفراااااق. )
__________________________
في بيت المصري على سطح المنزل
شمس بدموع محبوسة في عنيها/ مروان
( مروان خاف تكون شمس سمعت الكلام اللي هو قاله.)
مروان مسح دموعه / شمس أنتي هنا من امتى
شمس / أنت بتعيط يا مارو بتعيط يا سندي يا كل اللي ليا في الدنيا
مروان / لا يا شمس مش بعيط أنا بس متضايق شوية عشان متخانق مع واحد صحبي
شمس ماسمعتش غير آخر جملة مروان قالها وافتكرت إنه بيبكي عشان كدة (و قررت تعرفه انها عارفة انه اتخانق مع ابوها عشانها بس مش هتعرفه إنها سمعت الكلام اللي أبوها قاله عليها وأنه بيكرهها )
/ واحد صاحبك ولا أبوية وكمان انا سمعاك دلوقتي أول ما طلعت وأنت بتقول إنك مش هتسمح لحد يأذيني حتى لو كان ابويه
مروان اتطمن لما عرف إنها ماسمعتش كل كلامه. بس في نفس الوقت خاف تكون سمعت أبوها لما قال انه بيكرهها / إيه اللي انتي بتقوليه دا
شمس حبت توضح له شوية عشان تفهمه انها ماسمعتش غير كلامه هو وماسمعتش كلام ابوها / ماتحولش يا مارو انا سمعتك وأنت بتقول انك مش موافق على جوازي من حد طلبني منه وأنك عايزني أكمل دراستي
ولما أنا لقيتك متعصب اوى كدة قولت اطلع عند ايمان لحد ما تخلصوا كلام
مارو اتنهد بأرتياح / طيب لما أنتي عارفة انا زعلان ليه بتلوميني على إني بعيط ليه
شمس بنبرة جادة / لأنك راجل ومش أي راجل لاء أنت ابويه واخوية وماينفعش تعيط لأنك سندي
مروان / لا يا شمس اوعي تقولي كدة ربنا هو اللي سندك وسندي أنا كمان ربنا هو نعمة السند
شمس / ونعم بالله. أنا عارفة كدة كويس. بس كمان عارفة ان ربنا عالم بحالي عشان كدة انت موجود معايا وهو خلقك سند ليا
مروان نفسه يرجع يكمل بكاء بس للأسف حتى دي مش هيقدر يعملها دلوقتي بوجود شمس معاه / يا قمرتي أنا فعلا ربنا خلقني عشانك أنتي اتمني وأنا احققلك خلقني عشان اكون دايما جنبك
شمس / مارو أنت أبوية مش هو وأنت اللي هتختارلي جوزي مش هو. أنت اللي هتختارلي الراجل اللي انا هكمل حياتي معاه
مروان بوجع بيداريه / لاء أنتي اللي هتختاري. وأنا هساعدك وكمان انا اللي هسلمك له بأيدي يوم فرحك
شمس / طبعا. يا مارو
مروان / بقولك ايه انا عايزك تغنيلي غني إي اغنية محتاج اسمع حاجة
شمس / بص هغني اغنية هي حزينة بس عجباني ونفسي اغنيها
مروان بأسهزاء / هههههه ياريت حزينة حزينة غنيها
شمس غنت الأغنية وكالعادة مش بس صوت حلو يسحر لا دا احساس يدخل القلب علطول بدون تفاهم او أستأذان
الووووجععع
اااه من الوجع
مين زيي داقه في الزمان ده وجربه
يا ما ابتلاني بالهموم يا ما الدموع نزلت في كاسي وأنا اشربه
الوجع ااااااااااه من الوجع
مين زيي داقه في الزمان ده وجربه
يا ما ابتلاني بالهموووووم يا ما الدموووووووع نزلت في كاسي وأنا اشربه
محبوووس وسجني حطانه عذاب
في قلعة جوة ما بين أغراب
زنزاااانة ضلمة وملهااااش باااب
يا عيني على ظلم المحبوب
واخبي وجعيييي في دموووعي وما الألم طقوا ضلوعييييي
المر شربيييي ومنؤوعيي مكتوبلي أنا الهم ومقسوم
الوجع اااااااااه من الوجعع
( ما هذه الأغنية افهل تجسد في كلماتها معانتها وكل ماتشعر به من وجع وحزن
أم هل هي تضع بعض من الملح على جراح الإنسان الذي لطلاما أحبها وخاف عليها
نعم فهو قد سمع هذه الكلمات ورسم بها جرحه ووجعه ولا يعلم أنها قد غنتها من كل قلبها بسبب ما تشعر به من ألم ووجع )
شمس بطلت غنى وأخرجت تنهيدة حارة لعلها تطفئ نار قلبها
ومروان كمان عايز ينهي القاعدة دي حاسس انه ممكن يضعف ويعيط ادامها تاني
مروان / بقولك إيه يلا ننزل تحت عشان تنامي الساعة داخلة على11
شمس / اه يلا عشان كمان عايزة أقرأ كدة شوية حاجات قبل ما أنام
مروان وشمس نزلوا ووهما نازلين شافوا عاصم وهو بيدخل شقته بس هو ماشافهمش وهما كمان مهتموش ونزلوا على شقة عبد الحميد )
شمس دخلت أوضتها واللي رتبتها كويس وقعدت على مكتبها الصغير اللي بتذاكر عليه ومسكت موبايلها ودخلت على صفحتها في الفيس بوك ( شمس وسط الظلام) واللي عليها أصدقاء كتير بسبب البوستات والمقولات اللي شمس بتكتبها وكتبت بوست صغير
(( اليوم علمت أن وجودي في الحياة ليس سوى خطأ وغير مرغوب فيه ))
وما ان كتبت تلك الكلمات حتى علق لها جميع الأصدقاء. بكلمات ممكن ان تكون من باب الزوق أو المجاملة ولكنها حقاً قد اسعدتها ولو قليلا
وبعدها فتحت الكتب وبدأت تذاكر وتقرأ كتير لحد ما نامت
_____________________
في قصر العدلي
كانت دولي تشعر بالملل ولكنها حتى لا تقوي على الخروج من باب القصر
وكانت تجلس في غرفتها حاملة الاب توب علي قدمها ورأت بوست شمس وكتبت ليها ( حبيبتي اوعي تقولي كدة ابدا دا أنتي احلى حاجة في حياتنا كلنا )
** داليا لا تعلم أن هذا الحساب الذي يسمى شمس في وسط الظلام هو يخص شمس نفسها زميلتها في الجامعة **
حتى دخل إليها مازن ابن عمها وشقيقها في الرضاعة
مازن / بتعملي ايه يا دولي
داليا / يعني هكون بعمل إيه يا اخوية متنيلة قاعدة أهوه
مازن / ههههههههههههه والله يا بنتي احنا كنا في الشركة وهو قالي أمشي وهو كان هيتأخر عشان كدة معرفتش انه جاي عشان احزرك
داليا / خلاص يا عم اللي حصل بقى
مازن / معلش يا قلبي ماتزعليش
داليا / طيب بقولك ما تحاول تتكلم معاه يرجعلي عربيتي ويسيبني أخرج
مازن / ليه يا أختي مستغني عن نفسي اياك ماتكلميه انتي
داليا / اه يا واطي طب يلا أطلع من اوضتي وأنت ندل كدة
_________________
في إحدى الفنادق الفخمة
يجلس في المطعم مهاب العدلي بجسده الرياضي الضخم ووسامته المصاحبه لهيبته
ومعه وفد اجنبي مكون من رجلان وفتاة ترتدي ( احنا هنختصر لبسها في انها نسيت تجيب هدوم فلبست هدوم أختها اللي عندها 5 سنين )
الحوار بالانجلش ( ننزل بالترجمة علطول)
إحدى الرجال / يسعدنا ان نتعامل معك سيد مهاب لقد سمعنا عنك الكثير
مهاب بتفاخر / اتمنى ان تكون سمعت أيضا عن أهمية الالتزام في التعامل معي
الفتاة بنظرات جريئةتجاه مهاب ( وقحة ) / نعم سيد مهاب لقد سمعنا ذالك ونتمنى أن نتعامل مع بعض كثيرا
مهاب وقد فهم نظراتها / اتمنى ذالك ولكنه سيتوقف عليكم أنتم
الفتاة تحاول إيثارته / تأكد أن تعاملنا معك سوف يرضيك
( انتهى عشاء العمل. وذهب الرجلان ولكن الفتاة فضلت أن تقضي الليلة مع مهاب
ومهاب فعلا قضى معها الليلة للتسلية فقط ولكنها رغم كل مفاتنها لم تنل إعجابه أبدا )
______
طلع النهار في الدنيا ونورت بعد الظلمة
بس يا تري الناس كمان قلوبها نورت ولا لسه قلوبها أسود من سواد الليل
قامت شمس من نومها في تمام السادسة صباحا خرجت من غرفتها وذهبت إلى الحمام أخدت شور وتوضأت ثم عادت اإلى غرفتها لكي تؤدي فريضتها ومن بعدها ظلت تقرأ في بعض الكتب
( شمس بتحب القراءة جدا وبتحب العلم وتحب تجمع معلومات وزاكرتها قوية جدا بحيث إنها تعرف حاجات كتير جدا. وكمان اتعلمت لغات كتير لأن في كل اجازة بتاخد قرص لغات وبتمتحن وتاخد شهادة بأتقان اللغة )
الساعة 8 لبست شمس هدومها وخرجت تحضر الفطار مع زوجة عمها
محمد أخو مروان / احلى صباح على احلى شمس منورة في شقتنا
شمس / دا نورك يا غالي صاحي بدري مش بعادتك يعني
محمد / أبدا أصلي خارج مع صحابي النهاردة نتفسح
شمس بغمزة / صحابك ولا صحباتك يا ميدو
محمد بيمثل البراءة / اخص عليكي يا شوسي كدة تظني فيا أنا كدة
شمس / أنت هتعملهم عليا انا ولا ايه. ماتخافش مش هسيحلك أنا هقول لمارو بس
مازن / تصدقي أنتي بت ندلة دا انا ضهري ورجليا اتكسروا وأنا بنزل في الأوضة والكتب بتاعتك امبارح وفي الاخر عايزة تفتني عليا دا أنتي
مروان مقاطعا / اييييه كمل
محمد / عسل عسسسل خالص
شمس / ههههههههههههه خالص مالص واكيد بالص يا ميدو
مروان / صباح الخير يا قمرتي
شمس / صباح السعادة يا مارو أنت صاحي بدري ليه النهاردة
مروان / عندي شغل في الورشة كتير النهاردة قولت أروح بدري
وأنت يا محمد كويس انك صاحي عشان مانتاخرش. ورانا شغل كتير
محمد / لا يا عم انا خارج النهاردة مع صحابي مش كفاية اجازتي اللي باخدها من الجيش بقضيها شغل معاك في الورشة سيبني بقى أخرج يوم اروش عن نفسي قبل ما الاجازة تخلص
مروان بتنهيدة / خلاص ماشي إفراج النهاردة
محمد بفرحة / حبيبي يا مارو. شوفلي بقى معاك قرشين حلوين كدة لزوم الروشنة
شمس بهزار / لا طلاما مافيش ورشة النهاردة يبقي مافيش فلوس
محمد / نعم وأنتي مالك يابت انتي
مروان. / ولا. اتلم. واللي هي قالته هيحصل
محمد بتذمر / لا بقى حرام عليكوا يرضيكي كدة يا ست شمس كتر خيرك
شمس بضحك / ههههههههههههه صعبت عليا خلاص يا مارو. اديله عشان مايعيطش
بعد الفطار جميلة اتصلت على شمس وقالتلها إنها واقفة برة
شمس / طيب انا ماشية بقى يا مارو عشان جميلة برة
مروان / طيب استنى. امسكي دول خليهم معاكي
شمس / لا يا مارو أنا معايا فلوس وكمان الكريدت كارت معايا
مروان بحنية / وخلي دول كمان معاكي وسيبي الفلوس اللي في الكريدة كارت في حالها ماتخديش منها حاجة ولو احتجتي اي حاجة تقوليلي.
شمس بأبتسامة / حاضر يا بابا
( جاء مارو ليرد. على شمس ولكن قاطعه صوت خلطات علي الباب
وتفتح مني زوجة عبد الحميد
منى / أهلا يا عاصم أدخل
________________________
نكمل بكرة ونشوف عاصم عايز ايه
أتمنى من كل اللي متابع الرواية. يدعي لأمي بالشفاء لأنها تعبانة شوية. وأنا خايفة عليها أوي
أتمنى تكون الرواية عجبتكوا وياريت تقولوا رأيكوا وتوقعاتكوا
احبكم فى الله. ( اميرة السعادة )
رواية ( شمس وسط الظلام) البارت (6) بقلم:- أسماء أبوشادي
______________________________
منى / اتفضل يا عاصم أدخل
عاصم / لا يا منى كتر خيرك عشان أنا متأخر على الشغل أنا كنت جاي عشان أدي البت مصروفها مصروفها
شمس كانت واقفة عشان تمشي فردت عليه من غير حتى ماتبصله وهي بصة في الأرض
شمس / أنا أخدت من مارو ومعايا فلوس كتير
مروان بأبتسامة استهزاء / خودي من ابوكي يا قمر يا احلى قمر
عاصم أتضايق جدا من مروان لأنه بينادي شمس بأسم أمها ( قمر )
وشمس راحت واخدت الفلوس من أبوها ومروان مسك شمس من ايديها وخدها وخرج من الشقة والبيت
كانت جميلة صاحبة شمس مستنياها برة ادام الباب ومتعصبة إنها اتأخرت وبتحضر في كلام تقولهولها وشتيمة بس أول ماشافت مروان خارج وماسك ايد شمس. أتكثفت ونزلت عنيها في الارض وقلبها فضل يدق يدق يدق
شمس شافت جميلة ولقيت خدودها احمروا من الكثوف بس راحت عندها
ومروان ساب ايديها
مروان / صباح الخير يا جميلة
جميلة بصوت واطي جدا / صباح النور
شمس / خلاص يا مارو أنا همشي سلام
مروان / ماشي خلي بالك من نفسك واتصلي بيا أول ماتوصلي الجامعة عرفيني إنك وصلتي
شمس بأبتسامة / حاضر. سلام
مروان / سلام. ولو احتجتي حاجة بردو كلميني
( شمس مشيت مع جميلة ومشيين سوى
جميلة لسه ساكتة وخدودها حمر )
شمس / إحم إحم خلاص بعدنا عن عنيه وبقينا في اخر الشارع
جميلة / ها قصدك إيه
شمس / ههههههههههههه قصدي اللي اول مابتشوفيه بتقلبي على كيوتة وخدودك بيبقوا شبه البوهيا الحمرة
جميلة / نعععععععم بت هو انا عشان سكتلك ومهزقتكيش لأنك لطعتيني أدام الباب. تقومي ترخمي عليا يا باردة
( شمس بصت وراها. وعملت نفسها اتفاجأت )
شمس / إيه دا شكل مارو نسي يقولي حاجة
جميلة وشها احمر وبصت وراها / إيه
شمس / ههههههههههههه ههههههههههههه ههههههههههههه ههههههههههههه. بقى دي اللي كانت لسه باستمرار على من شوية
جميلة / والله أنتي رخمة و غلسة وغتيتة
شمس / وباردة
جميلة اتغاظت / يا باااااااااردة
شمس/ ههههههه خلاص خلاص أهدي وقوليلي بقى آخرتها إيه هتفضلي كاتمة في نفسك كتمة العدس دي كتير
جميلة بملامح حزينة / لحد ما يحس بيا وبحبي ليه
شمس / طيب هو هيحس أزاي وأنتي مش بتتكلمي معاه خالص وحتى لما بتشوفيه بتبصي في الارض وتتجاهليه
جميلة / عايزاني أعمل إيه يعني أروح اقوله انا بحبك وبموت فيك من وأنا صغيرة
شمس تزفر / اوووووووف هو أنتي يا تتجاهليه يا تروحي تقوليله بحبك
يا بنتي افهمي. الحب مش لازم تعبري عنه بكلمه لاء. دا بيبان من تصرفاتنا واهتمامنا باللي بنحبه من نظرة عنيه يعني من افعالنا
الحب أفعال مش كلام
جميلة / خلاص بقي يا شمس اقفلي على الموضوع ده أنا همشي بقا على جامعتي أنتي هتخلصي أمتي النهاردة
شمس / أنا عندي محاضرة واحدة يعني هخلص بدري
جميلة / أنا عندي اتنين. خلاص روحي انتي بقي علطول
شمس / أوك على فونات بقى
(بعد ماجميلة مشيت. رودي اتصلت بشمس وقابلتها في الطريق وراحوا علي الجامعة سوى )
في عربية رودي
رودي / مالك يا شمس
شمس بأبتسامة/ في البنك
رودي / والله عليا انا طب ماشي نغير السؤال حالك يا شمس
شمس / انا يا بت انتي مش عارفة بتعرفيني أزاي دا صديقة عمري اللي معايا من الطفولة ماحاستش بيا إنما انتي سوسة
رودي / احنا صحيح مانعرفش بعض غير من السنة اللي فاتت بس انا والله بحس اني اعرفك من زمان اوى
شمس / وأنا كمان والله بحسك أختي وربنا اللي يعلم
رودي / طيب احكي بقي وماتغيريش الموضوع
شمس بحزن بتحاول تداريه / امبارح رجعت البيت وكان مارو بيتخانق مع بابا عشان عايز يجوزني. لواحد من صحاب مارو طلبني منه بس مارو رفض وقال إنه مش مناسب
رودي بأهتمام وهي بتبص على الطريق وبتدخل الجامعة بالعربية / وبعدين
شمس / ولا قبلين مارو قرر اني أبوية ملهوش دعوة بأي حاجة تخصني وكمان نقل اوضتي من شقتنا فوق لشقتهم تحت وقال اني هعيش معاهم تحت علطول
رودي / أحسن انتي كدة كدة كنتي طول اليوم تحت مابتطلعيش غير عشان تنامي
( شمس مارضيتش تحكي الكلام اللي أبوها قاله عشان صاحبتها ماتزعلش وعشان ماتحسش بالشفقة عليها )
في هذه الأثناء وصلوا الجامعة ونزلوا من العربية ودخلوا المحاضرة وكان الدكتور بتاع المحاضرة دي أجنبي ودكتور كبير سنا وعلميا وبعد ما خلصوا خرجوا وقعدوا في الكافتريا شوية وبعد 5 دقائق من قعدتهم مع بعض جه الدكتور عمر
عمر بمرح محدود / بتنموا على مين يا اساتذة
رودي بشهقة مصطنعة/ هااااا احنا. عيب عليك يا دكتور احنا بتوع كدة بردو
شمس بزعل مصطنع / ماكنش العشم يا دكتور ماكنتش اتوقع ان حضرتك تتهمنا اتهام خطير زي ده
عمر بأبتسامة بسيطة / خلاص اسف ماتزعلوش أن بعض الظن إثم
المهم كنت عايزكوا في موضوع مهم
شمس ورودي / خير اللهم اجعله خير
عمر / ههههههههههههه في نفس واحد. هو أنا هحكيلوا حلم
شمس / حلم ولا علم المهم ربنا يجعله خير
عمر / أن شاء الله خير
بصوا في بحث مهم جدا هينفعكوا أوي في الدراسة وفي نفس الوقت هتستفادوا من معلوماته وخبرته ويعتبر شبه الدكتوراه كدة بس مشترك عايزكوا تعملوه سوى إيه رايكوا وأنا طبعا هساعدكوا فيه
رودي / رشقين طبعا يا دكتور
شمس / اعتبره خلصان ومشطب يا دكتور
رودي / وعلى المفاتيح كمان
دكتور عمر / ههههههههه طيب دا ورق البحث والتفاصيل عن الموضوع وأي حاجة تحتاجوها تقدروا تيجوا مكتبي في أي وقت
شمس ورودي / تمااام
( بعد شوية شمس ورودي مشيوا وركبوا العربية وشمس اتصلت بمروان عرفته إنها خرجت من الجامعة ورودي بتوصلها قالها إنه هيستناها على اول الشارع وفعلا أول ماشمس نزلت من عربية رودي كان مروان واقف مستنيها )
مروان راكب المتوسكل بتاعه وواقف على جنب / ازيك يارودي عاملة ايه
رودي وهي في العربية / تمام يا كبير الحمد لله
شمس / ايه يا مارو انت واقف من بدري ولا ايه
مروان / اه من ساعة ما كلمتيني وعرفت انك راجعة لوحدك للمنطقة من غير جميلة قولت اجي آخدك ورايا على المتوسكل
رودي وهي في العربية / ههههههههههههه ماتخفش شمس مش هتتخطف دي تخطف بلد بحالها برجالتها بستاتها بعيالها
مروان / طبعا عارف وماحدش اساسا يستجري يبصلها مش يخطفها
شمس ركبت ورا مارو/ طبعا مش تربيتك يا جمد مارو في الدنيا
رودي / ههههههههههههه ههههههههههههه خلي بالك لا تقعوا في الشارع. لحسن بصراحة هيبقى شكلكوا مسخرة اوى ادام الناس
شمس / هيهيهيهيهيي خفة. لا يا اختي دا انا راكبة مع مارو مش اى حد
( رودي مشيت وشمس مشيت مع مارو وأصرت انها تروح معاه الورشة وقالتله إنها معندهاش مزاكرة النهاردة كتير
وفعلا مارو اخدها معاه على الورشة
شمس من وهي صغيرة بتحب تروح مع مروان الورشة وتتفرج عليه وهو بيشتغل وأوقات بتساعده رغم اعتراضه بس هي بتقوله انها بتحب تتعلم إي حاجة وكل حاجة من باب العلم بالشيء
قضوا اليوم سوى في الورشة. مروان كان عنده شغل كتير و وجود شمس جنبه ساعده في انه ينجز شغله كله. وكمان اتغدوا سوى في الورشة مع الصبيان اللي شغلين في الورشة
وبعد المغرب
مروان / الحمد لله خلصنا الشغل المهم النهاردة ممكن بقى يا قمري تسيبي اللي في إيدك وتحاولي تظبطي لبسك اللي باظ شحم ده
شمس / ههههههههههههه ايه يا اسطى أنت بتتريق عليا وأنت ذات نفسك واقع في برميل شحم
مروان / طيب انا دا عادي لبس شغلي إنما انتي دا لبس جامعتك وبعدين انا قولتلك أنا بسيبك تعلمي كدة عشان بتبقى مبسوطة مش أكتر
محمد / سلامو عليكوا أنا جيت يا منطقة
شمس / يالهووي ايه جابك مش كنت بتتفسح مع صحابك كدة هتخلي الكهربة تقطع دلوقتي
( قبل ما شمس تخلص جملتها كانت الكهربة قطعت فعلا )
شمس ومروان والصبيان اللي في الورشة ماتوا على نفسهم من الضحك
مروان / ههههههههههههه ههههههههههههه ههههههههههههه ههههههههههههه هههههههه. كان لازم تيجي يا بووز الغراب
شمس / ههههههههههههه ههههههههههههه شوفت يا مارو مش بقولك الواد ده استغفر الله العظيم يارب فيه حاجة غريبة
مروان /ههههههههههههه ههههههههههههه لا لاء دا فيه حاجات مش حاجة واحدة
محمد هو كمان بيضحك / ههههههههههههه شوفتوا وشي وش السعد عليكوا ازاي ههههههههههههه
شمس حست بألم شوية من كتر الضحك فحاولت تبطل لأنها فعلا ضحكت كتير
شمس بتتماسك من كتر الضحك/ ههههههه فعلا دا انت السعد بنفس ذات نفسه
مروان / ههههههههههههه بقولك ايه هى الإجازة بتاعتك دي ما قربتش تخلص وتتنيل ترجع الجيش
محمد / للدرجة دي مستعجل عايز تخلص مني
شمس / يا ابني دا عايز ينقظ الورشة بتاعته قبل ما تولع ولا تخرب
( فضلوا يهزروا مع بعض شوية وبعد كدة روحوا على البيت واتعشوا وشمس أخدت شور ودخلت أوضتها ذاكرت شوية وبعدين فتحت حسابها على الفيس بوك قعدت شويةوردت على تعليقات الناس على البوست اللي كتبته أمبارح واللي كانت من ضمنهم داليا بس التعليقات كانت كتير وماقدرتش ترد عليهم كلهم ومن سوء الحظ ما قدرتش ترد على داليا وبعد شوية نامت شمس
ومر أسبوع على الحال ده مافيش إي جديد
شمس بتروح جامعتها الصبح مع جميلة وبعدين تقابل رودي ويدخلوا محاضرتهم سوى وكمان ابتدوا في البحث بتاعهم سوى
في يوم بالليل. شمس جتلها رسالة على ماسنجر
